السلام عليكم و رحمه الله و بركاته
من الطبيعي ان كل واحد فينا بيدرس و بيتخرج و بيقابل مرحله تانيه في حياته و هي العمل
بيبتدي في بلده و بيكون مصيرة حاجه من اتنين :-
1- يلاقي شغلانه اقل من مستواه التعليمي فيشتغل على مضض عدة شهور و ميلاقيش نفسه في الشغلانه و مكانش طموحه فهذه .. نهاية مؤلمة .. لابد من الرحيل
2- صاحفه الحظ و جه المستحيل زي ما بعضكم بيقول و اتوظف حسب مؤهله العلمي و برضو شهر شهرين صاحب العمل اداله استمارة 6 .. دي كانت برضو ... نهاية مؤلمة .. لابد من الرحيل
الراجل خد بعضو و جهز شنطه السفر ماشي بمبدأ .. لابد من الرحيل
سافر عم نصر للخليج العربي يشتغل - فأكيد هيقابله نوعين من الشغل :-
1- هو بكالريوس تجارة و نزل على شغل عامل في مجال البناء .. شهر شهرين قال المسكين .. انا تعبت كان مالي و مال الشغلانه دي .. فأكيد بقا هنا .. نهاية مؤلمة .. لابد من الرحيل
2- نفس مصير الشغل في مجاله في بلده .. خبطوه ستمارة 6 و بالتالي .. نهاية مؤلمة .. لابد من الرحيل
رحل المسكين على بلده من جديد ... و هكذا
تفتكرو بقا ايه المشكله هنا .. هل الموارد البشريه عندنا مبقت كفائه للعمل
بمعنى ان البني ادم معندوش المهارات الكافيه للعمل , ولا في حض مضطهدنا , ولا ايه ؟
و كل سنه و انتم بخير
